- عمر جابر: الجمهور وقف أمام الأوتوبيس وقالوا لنا: «متلعبوش فيه ناس ماتت»
- المتهمون تعرضوا للتعذيب والصعق بالكهرباء بشرطة أبو النمرس لإجبارهم على الاعتراف بتورط الألتراس فى القضية
متهم:سألني ضابط الكمين: جاي منين قلت من الاستاد ... فرد اركب البوكس لقسم الهرم-
- الجماهير استخدمت الحبال وربطتها بالأسياخ الحديدية بالأسوار لدخول المباراة
بقايا الضحايا: عدد كبير من الأحذية والنظارات وملابس ممزقة ودعوات المباراة بأرض الممر أمام البوابة الثانية-
قبل ثورة 25 يناير، نادرا ما كان يظهر اسم الألتراس، تلك المجموعة من عشاق كرة القدم، في العناوين الرئيسية للصحف إلا لنقل سلوكهم الشائن في ملاعب الكرة. والآن، وبعد قيام الثورة، أصبح الكثير يعتبرونهم مثالاً للشجاعة، وخاصة مع هتافات الألتراس التي تنادي بالديمقراطية
منذ نشأة المجموعة، كانوا هدفا لوحشية الشرطة. وكان ينظر إليهم دوما وكأنهم رجال عصابات. وحينما اندلعت الثورة، تبين لهم أن المتاعب التي يمرون بها نجمت عن كون مصر دولة بوليسية. وعندما اندلعت الثورة يوم عيد الشرطة كان ذلك بمثابة إيذانا بتغيير تلك الهوية والتى رغب الألتراس فى قيادة هذا التغيير."
ومذبحة الدفاع الجوي التي راح ضحيتها نفوس بريئة على يد قوات أمنية غاشمة فأراقت الدماء وأسالتها لمجموعة من زهور الوطن تحولت لأشلاء بين قتيل وجريح في مصرنا المحروسة
و"الشعب" تنشر هذا الجزء من التحقيقات التي نشرتها الوطن لنتوقف كثيرا أمام أقوال المتهمين اللذين تعرضوا للتعذيب الوحشي في محاولة للاعتراف بأن الأولتراس كان وراء الحادثة كما ننشر أقوال اللاعب عمر جابر وإسماعيل يوسف وعدد من المتهمين لنبين حجم وفداحة الكارثة ونقدم نص تحقيقات النيابة العامة فى قضية مجزرة استاد الدفاع الجوى التى قتل فيها 22 مشجعًا من جماهير نادى الزمالك أثناء مباراة فريقهم مع نادى «إنبى» فى بطولة الدورى العام، والتى أحال فيها النائب العام 16 متهمًا من جماهير «ألتراس وايت نايتس» و
وفى الحلقة الأولى من نص تحقيقات القضية التى وردت فى أكثر من 1000 ورقة تأتى أقوال المتهمين الذين اعترفوا بتخطيط قيادات «وايت نايتس» وأعضاء بجماعة الإخوان لوقوع الأحداث وكذلك تراجعهم عن تلك الاعترافات أثناء جلسة تجديد حبسهم التى أقروا فيها بأنهم تعرضوا لتعذيب شديد وصعق بالكهرباء للاعتراف بما أدلوا به من التخطيط مع الإخوان لارتكاب المجزرة، إضافة لنص أقوال عمر جابر، لاعب نادى الزمالك، الذى امتنع عن لعب المباراة بعد وقوع قتلى من جماهير الزمالك وأثار أزمة حينها، وكذلك تأتى أقوال إسماعيل يوسف مدير الكرة بنادى الزمالك، ونص محضر معاينة النيابة لمكان الحادث، وما عثر عليه المحققون فى الممر الذى شهد الكارثة والقفص الحديدى الذى أُقيم لمرور الجماهير إلى الاستاد ومتعلقات الجماهير وتذاكرهم الممزقة والحبال التى عثرت عليها النيابة أعلى الأسوار، والتى استخدمها الجمهور للدخول لملعب المباراة بعد عدم تمكنهم من الدخول.
النيابة العامة
نيابة شرق القاهرة الكلية
محضر معاينة
فتح المحضر اليوم 8/2/2011 الساعة 11٫30 مساءً بمسرح الأحداث الكائن بالممر الموازى لمحور المشير طنطاوى والمؤدى إلى البوابة رقم 2 باستاد 30 يونيو «الدفاع الجوى» بدائرة قسم أول مدينة نصر.
نفاذًا لقرارنا السابق بإفراد محضر مستقل لمعاينة مسرح الأحداث، فقد أفردنا ذلك المحضر، وحيث وصلنا قبيل افتتاح المحضر بقليل لمسرح الأحداث الكائن بالممر الموازى لمحور المشير طنطاوى «طريق الـ NA سابقاً» والمؤدى إلى البوابة رقم 2 باستاد 30 يونيو «الدفاع الجوى» حيث كنا برفقة السيد الأستاذ المستشار إيهاب الجنزورى، القائم بأعمال السيد الأستاذ المستشار المحامى العام الأول لنيابة استئناف القاهرة، والسيد الأستاذ المستشار محمد عبدالشافى، المحامى العام لنيابة شرق القاهرة الكلية، وكان برفقتنا السيد الأستاذ محمد البشلاوى، رئيس نيابة شرق القاهرة الكلية، والسيد الأستاذ أحمد شورب رئيس نيابة مدينة نصر أول، والسيد الأستاذ محمد دوير مدير نيابة حوادث شرق القاهرة الكلية، والسيد الأستاذ معتز عاطف، وكيل نيابة حوادث شرق القاهرة الكلية، والسيد الأستاذ محمد السماحى، وكيل نيابة شرق القاهرة الكلية، وتقابلنا مع السيد العميد طارق زايد، مأمور قسم شرطة مدينة نصر أول، والسيد العميد عمرو إبراهيم، رئيس مباحث قسم شرطة مدينة نصر أول، وبرفقتهم القوة اللازمة للتأمين اللازم بمعاينة مكان الحادث، وحال إجراء المعاينة حضر السيد اللواء حسن الدالى، مساعد وزير الداخلية مدير مصلحة تحقيق الأدلة الجنائية، والسيد العميد وليد مطر، وكيل مصلحة تحقيق الأدلة الجنائية قسم المعمل الجنائى، وبرفقته عدد من السادة الضباط والخبراء بالمصلحة، وقاموا بإجراء المعاينة اللازمة المكلفين بها من قبلنا على مسرح الأحداث، ورأينا إثبات ما أسفرت عنه معاينتنا لمسرح الأحداث على النحو التالى:
أولاً: وصف عام لمسرح الأحداث:
تبين لنا من إجراء المعاينة أن مسرح الأحداث يقع بمحور المشير طنطاوى «طريق الـ NA سابقاً»، وهو عبارة عن طريق أسفلتى بعرض عشرين متراً تقريباً ذى اتجاهين، أحدهما يؤدى إلى منطقة القاهرة الجديدة، والآخر يؤدى إلى مدينة نصر، ويفصل بينهما الجزيرة الوسطى، وتبين أن ذلك الطريق يحده من الناحية الشمالية أرض فضاء بينما يحده ويوازيه من الناحية الجنوبية الممر «مسرح الأحداث»، ويعقبه استاد 30 يونيو «الدفاع الجوى سابقاً».
3 متهمين اعترفوا بتورط الإخوان والألتراس للتخطيط لأعمال شغب.. ثم تراجعوا وأكدوا تعرضهم للتعذيب
ثانياً: وصف خاص للممر «مسرح الأحداث»:
تبين لنا من إجراء المعاينة أن الممر محل المعاينة «مسرح الأحداث» يقع متاخماً لحرم استاد ٣٠ يونيو «الدفاع الجوى سابقاً»، وهو عبارة عن ممر فى شكل مستطيل بطول اثنين كيلومتر تقريباً، وبعرض ثمانية أمتار تقريباً يبدأ من جهة الشرق قبل المنحنى المؤدى للبوابة رقم 3، 4، 5 للقرية الأولمبية بمائة متر تقريباً بمحور المشير طنطاوى «طريق الـ NA سابقاً»، مروراً بالبوابة رقم 2، وينتهى غرباً بالبوابة الرئيسية للاستاد عند البوابة رقم 1، وتتخذ أرضية الممر شكل منحدر تدريجى لأسفل من بدايته شرقاً حتى يبلغ منتهاه غرباً بعمق ستة أمتار تقريباً عن مستوى سطح الأرض بمحور المشير طنطاوى الموازى له شمالاً، ويفصل بينهما سور من أسياخ حديدية قائمة متوازية بارتفاع متر تقريباً، يعقبه مباشرة ساتر من الأشجار بارتفاع اثنين متر تقريباً، وذلك الارتفاع بالنسبة للموجود بمحور المشير طنطاوى، أما بالنسبة للموجود بالممر «مسرح الأحداث»، يبلغ ارتفاع ذلك السور ما يقرب من ستة أمتار، مضافاً إليه ارتفاع السور الحديدى، ليكون إجمالى ارتفاع ذلك السور سبعة أمتار تقريباً، ومثبت على ذلك السور من ناحية الممر بعض مصابيح الإضاءة، والتى تبين تعرض بعضها للتلف، وانقطاع النور عنها، وسقوط بعضها بأرضية الممر، كما يفصل بين ذات الممر وفندق روزا بلازا التابع للقرية الأولمبية، وكذا حرم الاستاد من الداخل «الحرم المحيط بالمدرجات الخاصة بملعب كرة القدم» سور من البناء بارتفاع ثلاثة أمتار، ويعلوه سور من أسياخ حديدية قائمة متوازية بارتفاع متر ونصف تقريباً، يعلوه سياج دائرى حلزونى الشكل من الأسلاك الشائكة، ومثبت عليه من أعلى بعض مصابيح الإضاءة غير تالفة.
ثالثاً: المضبوطات المعثور عليها بمعرفة النيابة العامة بمسرح الأحداث:
- عدد عشرة أجسام يشتبه فى كونها بقايا طلقات غاز مسيل للدموع فضية اللون أسطوانية الشكل، بعضها لها ثقب من الجانبين من طرفيها.
- عدد واحد جسم معدنى أسطوانى أسمر اللون ذو قاعدة لامعة فضية اللون مفتوحة من طرفيها، مثقوب الجانبين بالقرب من قاعدته فضية اللون.
- عدد واحد فارغ ألعاب نارية «شمروخ» كارتونى أسطوانى الشكل.
- عدد واحد سلاح كتر فضى اللون.
- عدد واحد كمامة طبية بيضاء اللون.
وقمنا بالتحفظ على كافة المضبوطات المعثور عليها بمسرح الأحداث، تمهيداً لتحريزها وإرسالها إلى مصلحة تحقيق الأدلة الجنائية لفحصها، وإعداد تقرير مفصل بشأنها، كما قمنا باستخدام هاتفنا المحمول فى التقاط بعض الصور لمسرح الأحداث، تمهيداً لنسخها على أسطوانة مدمجة، وكذا رسم كروكى للممر مسرح الأحداث بالكامل، لإرفاقها بمحضر المعاينة
.
ملاحظات النيابة العامة: تلاحظ لنا حال إجراء المعاينة وجود الآتى:
1- تناثر قطع حجرية مختلفة الحجم وقطع زجاجية مهشمة من زجاجات المشروبات الغازية، وعدد من الأدوات الحديدية - بعضها فى حالة تلف - والتى يتم استخدامها بمعرفة قوات الشرطة أثناء تنظيم الجماهير خارج الاستاد على جانب محور المشير طنطاوى بالاتجاه المؤدى إلى مدينة القاهرة الجديدة وقبل الدخول إلى الممر «مسرح الأحداث».
2- تناثر بعض المتعلقات الشخصية «عدد كبير من أحذية رياضية ونظارات طبية وملابس ممزقة» وقطع زجاج مهشم ببداية انحدار أرضية الممر لأسفل.
3- تناثر بعض الدعوات والتذاكر الممزقة بأرضية الممر بالقرب من البوابة رقم 2 بالاستاد.
4- آثار مياه تغمر جانبى الطريق بأرضية الممر وخاصة من الناحية المطلة على الاستاد وبالقرب من بوابة الاستاد رقم 2 بالممر.
5- آثار إتلاف لجزء من سياج الأسلاك الشائكة المثبت أعلى السور الحديدى الكائن أعلى السور الداخلى المحيط بالاستاد فى عدد اثنين موضع «أحدهما بجوار غرف الكهرباء والثانى بالقرب من البوابة رقم 2»، وذلك على نحو يسمح باجتياز ذلك السور بطريق التسور من أعلى، ومن ثم الدلوف إلى حرم الاستاد من الداخل دون المرور على الأماكن المعدة لإبراز تذاكر أو دعوات الدخول والخضوع للتفتيش.
6- وجود حبال مربوطة بأسياخ السور الحديدى تتدلى إلى داخل الاستاد خلف ذلك السور فى عدد ثلاثة مواضع مختلفة، والتى تدل على استخدامها للتسلق والتسلل إلى داخل حرم الاستاد بطريق التسور من أعلى ذلك السور باستخدام تلك الحبال دون المرور على الأماكن المعدة لإبراز تذاكر أو دعوات الدخول والخضوع للتفتيش.
7- آثار إتلاف لبعض مصابيح الإضاءة الكائنة على جانبى الممر من أعلى والمثبتة على الأسوار بالممر، وسقوط البعض منها بأرضية الممر.
8- آثار إتلاف سياج الأسلاك الشائكة والممرات الحديدية المعدة لتنظيم دخول الجماهير داخل الاستاد، والتى كانت ملقاة على جانبى الطريق بالممر بالقرب من البوابة رقم 2 بالاستاد.
9- آثار لقطع من المشمع المقوى من ناحية محور المشير طنطاوى مربوطة فى السور الحديدى تتدلى من أعلى إلى أسفل «حيث الممر محل المعاينة» فى عدد اثنين موضع، تدل على استخدامها فى التسلق للنزول من أعلى «حيث محور المشير طنطاوى» إلى أسفل «حيث الممر محل المعاينة» دون المرور على الأماكن المعدة لإبراز تذاكر أو دعوات الدخول والخضوع للتفتيش.
10- آثار عنف على باب غرفة أفراد الأمن الخاص بفندق روزا بلازا التابع لدار الدفاع الجوى، والتى تمثلت فى إتلاف الزجاج المثبت عليه، وكذا إتلاف صندوق المهملات الحديدية الكائنة بجوار تلك الغرفة.
11- آثار إتلاف للأرصفة الكائنة على جانبى الطريق بأرضية الممر.
21- آثار إتلاف بمواسير كابلات الكهرباء البلاستيكية المثبتة على السور الفاصل بين الممر «مسرح الأحداث» وحرم الاستاد، وذلك من ناحية الممر.
وأقفل المحضر، وعقب إثبات ما تقدم قرر الآتى:
أولاً: ترفق الأسطوانة المدمجة بمحضر المعاينة.
ثانياً: يرفق الرسم الكروكى للممر مسرح الأحداث بمحضر المعاينة.
ثالثاً: يرفق محضر المعاينة وكذا مرفقاته بالمحضر الأصلى.
عمر جابر:جرينا في الصحراء
وجاءت أقوال عمر جابر لاعب الزمالك كالتالى:
اسمى عمر محمود سيد جابر 32 سنة لاعب كرة قدم بنادى الزمالك ومقيم 9 شارع الخليل من شارع الإسراء ميدان لبنان العجوزة - جيزة بطاقة رقم قومى 35700010٣٠10292
سئل على سبيل الاستدلال..
س: ما معلوماتك بشأن الواقعة محل التحقيق؟
ج: اللى حصل إن إحنا كنا قاعدين فى فندق مريديان المطار وبعدين توجهنا لاستاد الدفاع الجوى وإحنا فى الطريق سمعنا أن فى اشتباكات بين الشرطة والجماهير وبعدين لما وصلنا عند الاستاد فوجئنا بالجماهير بتوقف الأوتوبيس وفضلوا يشاوروا لنا ويقولوا لنا ما تلعبوش ضربونا وفى ناس ماتت وبعدين طلعوا أدام الأوتوبيس وقعدوا ينادوا علينا وطلعت جنب السواق وقعدوا يوروا اللى على الموبايلات وأجهزة آى باد صور ناس واقعة على الأرض ويقولوا لنا ما تلعبوش الماتش ضربونا وفى ناس ماتت وساعتها قررت أنا وحازم إمام وكابتن إسماعيل يوسف وأيمن طاهر أن إحنا مش هنلعب الماتش وأكيد اللعيبة كلها عرفت ونحو الساعة 7 م جت عربيات شرطة وكان فى عربيات إسعاف عمالة تعدى كتير وبعدين لما جت مدرعات الشرطة ضربت غاز ودخل علينا جوه الأوتوبيس ونزلت أنا وحازم إمام واللعيبة كلها جرينا فى الصحراء ولما رجعت أنا وحازم إمام كان فى لعيبة ركبوا المدرعة ودخلوا جوه الاستاد وركبنا الأوتوبيس مع كابتن إسماعيل يوسف وبعض من الجهاز الفنى ودخلنا الاستاد ولما دخلنا جالنا رئيس النادى جوه الأوتوبيس وقال لنا مفيش حاجة حصلت ولازم تلعبوا الماتش وأنا أجلته نصف ساعة وبعد كده دخلنا حجرة اللبس وأنا كانت أعصابى سايبة وجسمى بيترعش من صور المصابين اللى شفتهم واللعيبة كلها قعدت تتحايل عليا علشان أنزل الماتش، وإحنا فى الأوتوبيس كان فى مواقع كتبت أن مافيش وفيات وفى ناس بس أصيبت وقعدوا يقولوا لى لازم تنزل وأخدونى من إيدى ورونى أن فى جمهور فى الاستاد والدكتور أعطانى حقنة ونزلت فعلاً أسخن لكن ما كنتش قادر ونزّلوا الكابتن حازم إمام وبعدين فى الدقيقة 51 تقريباً الجماهير بعد ما كانت بتشتم اللعيبة طول الماتش وبتقول دقيقة حداد والشهيد حبيب الله نادوا عليّا ورحت لهم ولما رُحت قعدوا يقولوا انسحبوا وشاورت لهم ما تشتموش اللعيبة واقعدوا عشان خاطرى وخاطر نادى الزمالك وقعدوا فعلاً وبعدين رجعت على الدكة تانى وطلبوا منى أسخن وراء الجون بس ما قدرتش ورجعت قعدت تانى وبعد الماتش جت تليفونات أن فى 22 واحد ماتوا وكل اللعيبة أكدت أن الكلام صحيح وبعد كده اتفقت مع حازم إمام أن إحنا لازم نعمل حاجة لأهالى الناس اللى ماتت وبعد كده كلنا روحنا وطلع قرار من رئيس النادى بوقفى لأجل غير مسمى.
اسماعيل يوسف: ركبنا المدرعة لدخول الاستاد
وأقر اسماعيل يوسف بالآتى:
اسمى إسماعيل يوسف عوض الله محمد السيد مدير الكرة بنادى الزمالك ومقيم حى الأشجار فيلا رقم 5 مدخل 1 مدينة 6 أكتوبر وأحمل رقم قومى 26406282101712.. حلف اليمين
س: ما معلوماتك عن الواقعة محل التحقيق؟
ج: اللى حصل أن فريق الزمالك والإدارة كنا مقيمين فى فندق ميرديان المطار واتحركنا من هناك نحو الساعة 5 بتاريخ 8/2/2015 متوجهين إلى استاد الدفاع الجوى ولما وصلنا كان هناك زحام على غير العادة وعلى بعد نحو 3 كيلو من الاستاد لقينا جماهير نادى الزمالك ومعاهم ناس تانية شكلهم غريبة مش معتاد أشوفهم وعددهم نحو ألف واحد وقفوا الأوتوبيس وقعدوا يخبطوا عليه ويقولوا لنا أن الأمن تعدى عليهم وانهم عايزين تذاكر علشان يحضروا المباراة ومجموعة منهم قعدوا أمام الأوتوبيس فقلنا لعم فايز السواق خليك زى ما انت وما تحاولش تتحرك منعاً لاستفزاز الجماهير وفى ناس منهم سألوا على عمر جابر وكان واحد رافع آى باد وراه لعمر وكان فى صورة واحد متغطى بعلم الزمالك وفضلنا على الوضع ده نحو ساعة وكان عمر جابر وحازم إمام هما اللى فى المقدمة وبيتكلموا مع الناس وبعد كده كلمت المستشار مرتضى منصور وبعتلنا مدرعات جيش وشرطة وساعتها الشرطة ضربت قنابل غاز علشان تفرق الجماهير فالكل جرى واحنا اتخنقنا من الغاز داخل الأوتوبيس فنزلنا وركبت اللعيبة المدرعات فى الأول وبعدين دخلنا من باب عكسى للاستاد وكنت أنا فى الأوتوبيس ومعايا خمسة ونزلنا فى الاستاد وتم تأجيل المباراة لمدة نصف ساعة واللعيبة كلهم نزلوا سخنوا وقبل المباراة ما تبدأ عمر جابر بلغنى أن صدره تعبه من الغاز وإيديه بتترعش وأعصابه بايظة ومش هيقدر يلعب المباراة فعلى طول طلعته ونزلت حازم إمام وفضل الماتش شغال بصورة طبيعية وفى الدقيقة 52 تقريباً بعض الجماهير بالدرجة الثالثة يمين نادوا على عمر جابر وراحلهم وفضلوا يشجعوا وينادوا بعد كده «انسحبوا» لكن ماكناش عارفين إيه السبب وبعدين عمر رجع قعد على الدكة تانى لحد نهاية المباراة وبعدين جاتلنا تليفونات بعد ما طعلنا من المباراة عرفنا منها أن فى ثلاثة توفوا منهم اثنين ضباط وفضلنا قاعدين لحد الساعة 11 تقريباً ووصل العدد اللى بلغونا بيه على التليفون لـ22 متوفى وده كله عمر جابر مبلغناش أنه كان عرف حاجة وبعد كده خرجنا من الاستاد وتوجهنا للفندق بدون تأمين وفى بعض اللعيبة مشيوا بعربيات خاصة وبعد كده عرفنا الأحداث من التليفزيون.
س: وما تعليلك لاعتذار اللاعب عمر جابر عن أداء المباراة؟
ج: هو قال لى أنه تعبان من الغاز وايده بتترعش ومش قادر يشيل جسمه ونفسياً متوتر.
س: وما التصرف الذى بدر منك حيال ذلك؟
ج: أنا طلعته ونزلت حازم إمام.
س: وهل أخبرك اللاعب عمر جابر بثمة معلومات بشأن وجود مصابين أو وفيات بين الجماهير؟
ج: لا.
متهم: من الاستاد إلى البوكس
وردت اعترافات المتهمين كالتالى:
اسمى على شعبان أبوالغيط خليل، 15 سنة طالب مقيم - شبرامنت - عزبة الأربعين - أبوالنمرس ولا يحمل بطاقة رقم قومى.
س: ما قولك فى الاتهامات المنسوبة إليك والتى قمنا بمواجهتك بها شفاهة؟
ج: اللى حصل إمبارح حوالى الساعة 30: 11 صباحاً شفت خالى أشرف حمدان قاسم قاعد مع عمر شريف حسين فى قهوة شبرامنت وهما الاثنين من ألتراس الزمالك وبيمشوا فى مسيرات، وأشرف بيمشى فى مسيرات تبع الإخوان وهما قالولى هنروح الماتش قلت لهم أنا رايح مع ناس صحابى كنت متفق معاهم وهما قالوا لى تعالى معانا وإدونى تذكرة وعمر هو اللى إدهالى وأدى لناس تانية وعمر كان بيجمع فى ناس من شبرامنت من الألتراس علشان يروحوا الماتش هو وواحد اسمه مصطفى ويشة، وهو شغال فى محل مراتب وأنا رحت مع أشرف الماتش، وعمر راح جمع ناس من الألتراس فى البحوث وجمع بتوع الألتراس وراحوا على الاستاد وأنا كنت هناك أنا وأشرف ولقيتهم جايبين معاهم شماريخ وهما كانوا جايين فى عشر أوتوبيسات كانوا كتير جداً وكانوا عايزين يدخلوا من غير تذاكر واللواء كان مانعهم من الدخول، بس قالهم حادخلكم بس بنظام وهما ناويين يعملوا حاجة وحاسين أن هما نوايين على حاجة علشان هما فضلوا يشتموا وكان فى عيال بينهم كانوا واقفين على السور وعمالين يقولوا للعيال اكسروا الباب وخشوا وكانوا عمالين يدافعوا ويزقوا اتجاه الداخلية وراحوا راميين السلك الشائك المحطوط وقعدوا على الأرض واللواء حلف إن ميدخلش حد راح لقيت واحد مولع شمروخ ورميه على العساكر وراح العسكرى طافيه وراميه. حوالى خمس ست عيال ولعوا شماريخ ورموها على الشرطة ودول كانوا من الألتراس وراحت الداخلية ضربت قنابل غاز عليهم ورحت جريت ورحت موقف التجمع وأشرف جه معايا وعمر راح اتصل على أشرف قاله مرتضى منصور بيدخل الناس تعالى واتصالح مع الأمن والأمن بيدخل فى الناس وكانت التذاكر وقعت منى ورحت أنا اشتريت تذكرة بثلاثين جنيه درجة تانية ودخلنا الاستاد والمباراة بدأت ودخلت مجموعة من الألتراس وكانوا بيقولوا للعيبة انسحبوا ما تلعبوش علشان الناس اللى ماتت وعمر كان عايزنا نمشى مع الألتراس وأشرف قالى حانمشى ولا نقعد؟ أنا قلتله حعقد، قعدوا وكملنا الماتش وعمر والألتراس مشيوا وانا مشيت أنا وأشرف وعمر وفى واحد اسمه بيدو ابن عمة عمر إدانى شنطة وقالى خليها معاك وعمر ادانى تليفون وبعد كده كمين وقّفنى وقالى انت جاى منين. قلت: جاى من الاستاد، وقالى اركب البوكس وبعدين أنا ركبت ورحت على قسم الهرم وده اللى حصل وبعد كده ودونى على مركز أبوالنمرس والمركز جابنى على هنا.
س: متى وأين حصل ذلك؟
ج: حوالى الساعة 5٫45 مساءً امبارح قدام استاد الدفاع الجوى.
س: ما سبب وجودك فى المكان والزمان سالفى الذكر؟
ج: أنا رايح أتفرج على الماتش.
س: ومن كان برفقتك آنذاك؟
ج: كان معايا خالى أشرف، وعمر كان موجود فى الاستاد مع بتوع الألتراس.
س: ما أول بادرة على حدوث الواقعة؟
ج: أنا قابلت أشرف وعمر فى القهوة وقالولى تعالى الماتش وادونى تذكرة وأنا مرتضش أروح معاهم ورحت مع أشرف أنا وهو لوحدى.
س: ولماذا طلب منك المتهمان أشرف حمدان قاسم وعمر شريف حسين التوجه معهما للمباراة؟
ج: هما كانوا عايزنى أروح مع بتوع الألتراس وأنا قلتلهم أنا رايح مع ناس صحابى علشان أبويا قالى ماتمشيش معاهم.
س: وما الأفعال التى كانوا يجهزون لها تحديداً؟
ج: كانوا عايزين يعملوا شغب.
س: ولماذا يرغبون فى عمل شغب؟
ج: أنا معرفش، الكبار بتوع الألتراس هما بس اللى يعرفوا.
س: وكيف تمكنت من الوقوف على ذلك؟
ج: من الأفعال اللى هما عملوها لما راحوا الاستاد.
س: مع من توجهت تحديداً إلى الاستاد؟
ج: مع خالى أشرف.
جماهير الزمالك قبل وقوع المجزرة
س: وما الأفعال التى بدرت من المتهم عمر شريف حسين آنذاك؟
ج: هو كان بيجمع العيال بتوع شبرامنت من شباب الألتراس علشان يروحوا الماتش علشان يتقابلوا مع الألتراس كلهم علشان يتجمعوا مع بعض.
س: ومتى تحديداً وصلوا إلى الاستاد؟
ج: حولى الساعة 5٫15 مساء.
س: وما الأفعال التى بدرت منهم تحديداً حال وصولهم؟
ج: هما كانوا عايزين يدخلوا بالعافية وكانوا بيزقوا الناس ووقعوا السلك الشائك.
س: ذكرت أنك استشفيت اعتزامهم ارتكاب أعمال شغب من أفعالهم حال وصولهم إلى الاستاد فما تلك الأفعال تحديداً؟
ج: علشان هما كانوا بيشتموا فى الداخلية وطلعوا على السور وقعدوا يهيجوا فى الناس ويقولولهم اطلعوا برة اكسروا الباب وخشوا.
س: ومن تحديداً الذى قام بتلك الأفعال؟
ج: الألتراس.
س: ما كيفية حدوث الاشتباكات بين الألتراس ورجال الشرطة تحديداً آنذاك؟
ج: هما لما كسروا السلك الشائك كانوا عايزين يخشوا بالعافية من غير تذاكر، الشرطة رفضت تدخلهم، فى واحد من الألتراس رمى شمروخ على الشرطة وفى عسكرى طفاه، فراح اللواء قال أنا مش حدخل حد وراح الألتراس رموا خمس شماريخ على الشرطة فالشرطة أطلقت أول قنبلة غاز أو اثنين على الناس عشان يمشوا.
س: ومن تحديداً الذى بدأ بالتعدى فى الاشتباك؟
ج: الألتراس.
س: وما كيفية ذلك التعدى؟
ج: رموا شماريخ على الشرطة لما رفضت تدخلهم بعد ما كسروا السلك الشائك.
س: وما رد الشرطة تحديداً حيال التعدى الواقع عليهم من الألتراس؟
ج: هما ضربوا عليهم قنابل غاز.
س: وهل استخدمت الشرطة أسلحة أخرى غير الغاز؟
ج: لا هى قنابل الغاز بس.
س: ما موضع الطرفين المتصارعين من حيث المسافة والاتجاه والمستوى فى تلك المشاجرة؟
ج: هما الشرطة كانت واقفة على البوابة بتاعة الاستاد وراء الأسلاك الشائكة والألتراس كانوا واقفين الناحية التانية من الأسلاك الشائكة على بعد أربعة متر فى الممر وبينهم حبة كانوا واقفين على السور واللى واقفين على السور رموا شماريخ فالشرطة ردت عليهم بالغاز والدنيا هديت شوية وراحوا الألتراس رميين طوب علشان يسخنوا الدنيا على الشرطة.
س: وما مراحل قيام الشرطة برد ذلك التعدى؟
ج: هما ضربوا قنبلة غاز، فالدنيا هديت شوية وكانوا رموها ورا الناس راح الألتراس حدف الشرطة بالطوب، فالشرطة ضربت عليهم غاز أكتر من الأول.
س: وما الذى دفع الألتراس لإلقاء حجارة عقب هدوء الأمر بعد قنبلة الدخان الأولى؟
ج: علشان يولعوا الدنيا.
المتهم الثاني : أخدوني من البيت
وجاءت اعترافات المتهم الثانى كالتالى:
اسمى أشرف حمدان قاسم دويدار، السن 21، صاحب مقهى ومقيم شبرامنت بشارع جسر الصليب، ولا أحمل تحقيق شخصية.
س: ما الذى حدث إذن وما ظروف ضبطك وإحضارك وعرضك علينا الآن؟
ج: اللى حصل إن أنا من أعضاء رابطة مشجعى الزمالك وبعدين الوايت نايتس بعتولنا مع عمر شريف صاحبى أن التجمع قبل الماتش الساعة الثالثة مساء فى محطة مترو البحوث، وبالفعل اتجمعنا وجمعنا كل بتوع الوايت نايتس اللى فى شبرامنت ورحنا محطة البحوث فى الميعاد وقابلنا هناك سيد المشاغب ومصطفى طبلة وزيزو وياسر جوجو، ودول قيادات الوايت نايتس وقالوا لنا إن كل واحد هيدفع عشرين جنيه مواصلات رايح جاى للاستاد وأنا سألت سيد انت هتدخل الماتش إزاى وإنت معكش تذكرة وكل اللى معاك معهومش تذاكر؟ رد عليا وقال احنا مش هنستنى ندخل بتذكرة وشغل الأطفال ده احنا هنقتحم الاستاد من برة وهندخل جوه. وسألته: إيه الشماريخ اللى معاك دى فقال لى أنه واخد ألفين جنيه من ياسر عثمان وياسر العباس ودول قيادات فى الإخوان علشان يجيب شماريخ يضربها على قوات الشرطة وبعدين أنا سبته ورحت على الاستاد لوحدى ولما وصلنا هناك كان هو ومصطفى طبلة كل واحد فيهم كان معاه فرد خرطوش لونه فضى وبعدين وإحنا واقفين علشان ندخل الاستاد بدأوا يزقوا فينا وفى قوات الأمن وبعدين راح سيد ومصطفى ولعوا الشماريخ ورموها على قوات الأمن وبدأوا يضربوا بالفرد اللى معاهم ناحية الناس. فالشرطة بدأت تضرب غاز وبعدين ناس كتير وقعت على الأرض وبقوا يتعمدوا يدوسوا على الناس اللى واقعة وكان كل اللى عايزينه أنهم يقتحموا الملعب ويدخلوا بعدما يعلموا شغب برة مع قوات الأمن ولما أنا رفضت الاشتراك معاهم شتمونى وقالوا إن أنا تبع مرتضى منصور علشان كده مش عايز أكون معاهم وسيد دايماً كان بيقول أنا تبع حازمون وياسر بوجو تبع أحرار وهما دايماً بيعملوا كده فى المباريات وعملوا كده فى استاد بورسعيد لأن ياسر عثمان وياسر العباس بيمدوهم بالفلوس علشان يعملوا شغب ويتعدوا على قوات الشرطة فى المباريات وهو ده شغلهم وبعد ما قوات الشرطة ضربت الغاز وناس كتير وقعت بقوا يكسروا ويخبطوا فى السور ووقعوا السور الحديد اللى جنب الاستاد. وكانوا رابطين حبال فى السور علشان يطلعوا عليها وكسروا البوابات الحديد اللى كانت الشرطة عملاها وبقوا يلفوا حوالين السور يولعوا الشماريخ ويرموها فى النفق على الجمهور وعلى الشرطة وبعدين طلعوا يجروا وقطعوا الطريق وولعوا الكاوتش على الطريق وراح سيد ومصطفى وزيزو وياسر مولعين فى بوكس شرطة كان معدى وكسروا عربية إسعاف وولعوا فيها وفضلوا يكسروا فى العربيات اللى بتعدى وفى سيارات الشرطة وبقوا يكسروا زجاج العربيات بتاعة الناس اللى معدية وبعدين أنا مشيت أنا وعمر شريف وعلى شعبان أبوالغيط وبعد كده على شعبان أتمسك فى كمين فى الهرم وبعدين لقيت الشرطة جاية بتاخدنى النهاردة الفجر
.
س: وهل دار بينك وبين أى منهم ثمة حديث؟
ج: أيوه أنا اتكلمت مع سيد لأنى عارفه كويس.
س: وما مضمون الحوار الذى دار بينكما؟
ج: هو قال إن الأجرة عشرين جنيه رايح جاى وأنا سألته إنت والناس اللى معاك هتدخلوا إزاى الماتش من غير تذاكر فقالى احنا هنقتحم وبلاش شغل الأطفال بتاع التذاكر وبعدين سبته وطلعت على الاستاد أنا وعلى شعبان وتقابلنا هناك.
س: وهل دار ثمة حوار بينك وبين سالف الذكر لدى وصولك أمام استاد الدفاع الجوى؟
ج: أيوه.
س: وما مضمون ذلك الحوار؟
ج: أنا لقيت مع سيد شماريخ كتير، هو ومصطفى طبلة كل واحد فيهم كان معاه فرد خرطوش فضى فسألته هتعمل إيه بالحاجات دى مكنش راضى يقولى فى الأول، ولما ألحيت عليه قال إن ياسر عثمان وياسر العباس أدولو ألفين جنيه علشان يشترى الحاجات دى ويضربها فى قوات الأمن ويقتحم الملعب زى ما عملوا فى استاد بورسعيد.
س: وما علاقتك بكل من ياسر عثمان وياسر العباس؟
ج: ياسر عثمان يقربلى من بعيد وياسر العباس متجوز بنت عمى والاثنين من أعضاء جماعة الإخوان المسلمين من زمان وكانوا بيعتقلوا زمان كتير.
س: وما الأدوات والأسلحة التى شاهدتها مع كل من سيد المشاغب ومصطفى طبلة؟
ج: أنا شوفت معاهم شماريخ كتير وكل واحد كان معاه فرد خرطوش لونه فضى.
إسماعيل يوسف: عمر جابر اعتذر عن المباراة لأنه تعبان من الغاز ولم يخبرنا بوجود وفيات
س: وما مقصد سالفى الذكر من إحراز تلك الأدوات والأسلحة؟
ج: استخدامها فى التعدى على قوات الأمن واقتحام الاستاد ولبث الفوضى.
س: وما تعليقك لقيام سالفى الذكر بارتكاب تلك الأفعال؟
ج: علشان هى بياخدوا فلوس من ياسر عثمان وياسر العباس وقيادات الإخوان المسلمين علشان يعملوا كده.
س: وكيف وقفت على ذلك تحديداً؟
ج: أنا أعرف سيد كويس من زمان وعارف عنه الموضوع ده وهو عمل كده فى استاد بورسعيد ولما سألته عن السلاح والشماريخ اللى معاه قالى إنه واخد ألفين جنيه من ياسر عثمان وياسر العباسى علشان يضرب فى قوات الأمن ويقتحم الاستاد وهددنى لو قلت حاجة من دى هيموتنى وقالى إنت كبيرك طلقة معايا.
س: وما الأفعال المادية التى قام بها المدعوون سيد المشاغب ومصطفى طبلة وزيزو وياسر بوجو آنذاك؟
ج: هما بقوا يزقوا فى الناس هما واللى معاهم وبدأوا يضربوا الشماريخ ويضربوا بالسلاح اللى معاهم وبدأوا يربطوا أحبال على أسوار الاستاد علشان يطلعوا عليها وكسروا السور والسلك اللى عليه وكسروا البوابات الحديد اللى الشرطة عملاها.
س: وما قصد سالفى الذكر من إحداث تلك الأفعال؟
ج: هما كانوا عايزين يقتحموا الاستاد ويعملوا مشكلة مع الأمن لأن مكنش معاهم تذاكر.
س: وما قيمة المبالغ التى تقاضاها سالفو الذكر نظير ذلك؟
ج: هو سيد قالى أن هما أخدوا ألفين جنيه.
س: ومن الذى قام بتمويل سالفى الذكر بتلك المبالغ تحديداً؟
ج: هما ياسر عثمان وياسر العباسى ودول من قيادات الإخوان عندنا فى شبرامنت.
س: وما تعليلك لقيام سالفى الذكر بتمويل المدعوين سيد المشاغب ومصطفى طبلة وزيزو وياسر بوجو بتلك الأموال؟
ج: علشان يجيبوا شماريخ وسلاح يتعدوا بيها على قوات الأمن ويقتحموا الاستاد زى ما عملوا أيام استاد بورسعيد.
س: وما علاقة كل من ياسر عثمان وياسر العباس بالمدعوين سيد المشاغب ومصطفى طبلة وزيزو وياسر بوجو؟
ج: أنا معرفش إيه العلاقة اللى بتربطهم ببعض بالظبط لكن اللى اعرفه أن هما كانوا بيدولهم فلوس علشان يجيبوا الحاجات دى.
المتهم الثالث:جابوني من بيت جدي
وجاءت أقوال المتهم الثالث كالتالى:
اسمى/ عمر شريف حسين أحمد 20 سنة
طالب بأكاديمية طيبة ومقيم بطريق سقارة السياحى شبرامنت منزل هانى عبدالعزيز الديب ولا يحمل تحقيق شخصية
س: ما الذى حدث إذاً وما ظروف ضبطك وعرضك علينا؟
ج: اللى حصل إمبارح الصبح صحيت من النوم حوالى الساعة 1 ظهراً وقابلت صاحبى مصطفى خيرى الساعة 2 مساءً عند محطة مترو المنيب وركبنا ونزلنا محطة البحوث علشان نروح الماتش واستنينا الباصات اللى زيزو بتاع الحوامدية كان قالنا إن التجمع هناك فى محطة البحوث علشان نركبها ونروح الاستاد وأخذوا من كل واحد مننا عشرين جنيهاً نظير مروحنا المشوار رايح جاى واللى أخذهم مننا زيزو علشان هو من قيادات الوايتس نايتس وفعلاً اتجمعنا وركبنا الباص وأنا ركبت الباص اللى كان فيه زيزو وصلت الاستاد حوالى الساعة 4 مساءً وهناك فوجئنا بشخص أنا معرفهوش وهو أسمر اللون بذقن بيقول لزيزو اقعد إنت والناس اللى تبعك فى الباص متنزلوش وفعلاً نزلت أنا وصاحبى مصطفى خيرى وابن خالى عبدالرحمن وليد كمال ووقفنا فى الممر علشان ندخل الاستاد وأنا وابن خالى عبدالرحمن كان معانا تذاكر ومصطفى خيرى ماكنش معاه تذكرة ولما وقفنا فى الممر سمعنا الناس بتغنى أغانى تشجيع الزمالك وبعدها لقينا واحد أنا معرفهوش راح حدف شمروخ مولع ناحية قوات الأمن اتجاه البوابة بتاعت الدخول وبعدها قوات الأمن ضربوا قنبلة غاز علينا واحنا جرينا بس أنا الناس زقتنى ناحية الأمن ولما شافوا التذكرة معايا دخلونى الاستاد وفى الوقت ده مصطفى خيرى أنا فوجئت أنه اختفى هو وعبدالرحمن ابن خالى وأنا دخلت عند الدرجة الثانية فى الاستاد وأنا اتصلت بيهم وعبدالرحمن ابن خالى بعدها بشوية رد عليا وقاللى أنا رايح عند البوابة الرئيسية وفعلاً أنا روحت له عند البوابة علشان أقابله وفعلاً اتقابلنا مع بعضنا واتصلت بمصطفى خيرى قاللى أنا مش معايا تذكرة وأنا ركبت ومشيت مروح وعبدالرحمن دخل من البوابة بعدما المستشار منصور جه وفتح البوابة علشان الناس تدخل وأنا لما كنت جوه فى الاستاد قبل ما أتصل بابن خالى عبدالرحمن سمعت ناس كتير بتتصل بصحابهم بره البوابة ويقولوا أن قيادات الوايتس نايتس موجودة بره الاستاد وسيد المشاغب بره وبيضرب نار ومعاه مصطفى طبلة وزيزو وياسر بوجو وبعدها أنا فوجئت بواحد من اللى كانوا راكبين معانا الأوتوبيس بينادى عليا وبيسألنى عن الناس اللى كانت راكبة معانا الأوتوبيس وقاللى استنى أنا هتصل بواحد اسمه عبدالله وده من ضمن الناس اللى فضلت عند الأوتوبيس مع زيزو وكان عددهم ستة أشخاص بما فيهم زيزو وفعلاً اتصل بيه وقاله انتم فين ورد عليه عبدالله وقاله إحنا لفينا بالباص ومشينا وقاله إن فى ناس مدخلتش وعايزة تروح قاله خلاص كل واحد يتصرف وبعد ما قابله عبدالرحمن ابن خالى قابلت أشرف حمدان وكان معاه على ابن أخته وكان معاهم شنطتين كتف وشنطة وسط وكانت شنطة من شنطتين الكتف دول مقطوعة ولما سألته عنهم قالى أنا لقيتهم عند أول الممر والشنطة دى كان فيها تليفونات محمولة وقاللى إن دول بتاعت ناس ضمن اللى داس عليهم وفوجئت فى الوقت ده أن فى رقم بيتصل على تليفون محمول وأشرف رد عليه وسأله عن صاحب التليفون وأشرف قاله أنا معرفش صاحب التليفون ده فين واتفق معاه أن يقابله فى رمسيس بعد الماتش علشان يديله الحاجات دى وسبت أشرف حمدان وعلى ابن أخته ومشيت أنا وعبدالرحمن ناحية الدرجة الثانية ودخلنا المدرجات سمعنا هتافات جاية من ناحية مدرجات الدرجة الثالثة وبيقولوا أن فى حوالى ستة عشر واحد ماتوا وانسحبوا وفى الوقت ده كان الماتش بدأ وبعد ما الماتش ما خلص خرجت أنا وعبدالرحمن وقابلنا صاحبى وليد وركبنا عربية سوزوكى لغاية الحى العاشر وإحنا لما خرجنا من الاستاد بعد الماتش لقينا كوتشات كثير فى الممر وبعدها روحنا وأنا روحت على المنيب عند بيت جدى وأشرف كان مروح هو وعلى وعلى اتخانق مع سواق توك توك عند أول شارع الهرم والضابط مسكه ووداه على قسم شرطة الهرم ولما سأله أنت جاى منين قاله أنا جاى من الاستاد وكان أشرف جرى وعلى قال للضابط على أسمائنا وعناوينا وأنا لما كنت نايم فى بيت جدى لقيت خالتى بتصحينى وبتقولى كلم والدك وأبويا قاللى إن الشرطة بتسأل عنى وهو جايبهم عند بيت جدى وقعدوا يسألونى شوية أسئلة وأحضرونى معاهم على قسم شرطة أبوالنمرس وبعدين جابونى على هنا وأنا فى قسم شرطة أبوالنمرس أتقابلت مع واحد جارى من شبرامنت اسمه جمال عبدالناصر وعرفت منه إن مصطفى خيرى ورمضان ضانى وكريم على وعمر صلاح وأشرف حمدان مقبوض عليهم وبعدها أنا جابونى على هنا وهو ده اللى حصل.
س: ما هى علاقتك بالمتهم أشرف حمدان قاسم؟
ج: هو ساكن جنبى فى نفس المنطقة وجارى.
س: ما قولك فيما قرره سالف الذكر بتحقيقات النيابة العامة «تلوناه عليه»؟
ج: أنا ماليش علاقة بياسر بوجو ولا قيادات الوايت نايتس لكن ياسر العباسى هو معروف قوى فى شبرامنت إنه من قيادات الإخوان وهو اللى بيمول الوايتس نايتس وعلى فكرة أشرف حمدان من الإخوان وكان بينزل مسيرات فى شبرامنت.
س: من الذى بدأ التعدى أثناء دخول الجماهير لحضور المباراة تحديداً؟
ج: هم ناس من الوايت نايتس هم اللى بدأوا ورموا الشماريخ على قوات الأمن.
س: هل لديك أقوال أخرى؟
ج: لا، تمت أقواله وتوقع منه.
وأقفل المحضر على ذلك فى ساعته وتاريخه.
أولاً: ترفع الأوراق للسيد الأستاذ رئيس النيابة للتفضل بالنظر.
وتضمنت أوراق التحقيق تراجع المتهمين عن أقوالهم خلال جلسة تجديد الحبس حيث أكدوا أنهم تم تعذيبهم وصعقهم بالكهرباء بقسم شرطة أبو النمرس لإجبارهم على الاعتراف بتورط الإخوان والألتراس فى القضية.
قال الإعلامي أحمد منصور المذيع بفضائية الجزيرة عبر صفحته الشخصية علي موقع التواصل الاجتماعي فيس بوك "دول الخليج لم تبلغ السيسى بعاصفة الحزم ولم تطلب منه المشاركة فيها بعدما أدركت خيانته ولقاءات نظامه السرية مع الحوثيين والإيرانيين والسوريين للتآمر معهم ضد الخليجيين ، وحينما استيقظ فوجد دول الخليج أخذت زمام الأمر بيدها والقيام بحرب خاطفة مفاجأة لتأمين وجودها وحدودها وتحجيم النفوذ الإيرانى سارع السيسى بإعلان تأييده للعملية واستعداده للمشاركة فيها لكن دول الخليج كانت قد أرسلت رسالتها إليه ولقنته الدرس ، انتهى الدرس يا سيسى ياغبى ."
