أول هندسة المنوفية يفضح ما دار فى حفل تكريم المتفوقين بجامعة القاهرة
منذ 5 ساعة
عدد القراءات: 4376
المتصل .... الوو
انا ..... ايوه
المتصل .... السلام عليكم
انا..... عليكم السلام و رحمه الله و بركاته
المتصل .... معاك فلان من مكتب رئيس الجامعه
انا..... اهلا و سهلا بحضرتك
المتصل ...... مهندس يوسف حضرتك مدعو لتكريم اوائل الجامعات المصريه من رئاسه الجمهوريه يوم الحد 9/28
انا .... شكرا جزيلا
المتصل ... تكون عندنا فى الجامعه الساعه 11.3
انا .... ان شاء الله
المتصل ... ااكد عليك تانى
انا ..... لا ان شاء الله هاجى فى المعاد
المهم رحت فى المعاد بالظبط و كنا عشر اوائل الكليات واخدين الاول على كل كليه فقط مع العلم ان ممكن مثلا الثانى على كليه معينه ممكن يبقى اعلى من اول كليه تانيه بس ماشى مش مشكله... قعدنا من الساعه الحاديه عشر الى الساع الواحده و تم استقبالنا من قبل رئيس الجامعه و عرفنا المعيارالى هيتكرم بيه اوائل الجامعات و هو مثلا انهم هيبدأوا ب اقدميه الجامعات بحيث يبدأ بجامعه القاهره فيشوف الاول بين العشر كليات الى اسمائهم مبعوته للرياسه مثلا الاول طلع من طب فيبقى كده قطاع الطب خلص مش هياخدوا منه تانى و جامعه القاهره كدخ خلاص تم تمثيلها مع العلم بردو ان ممكن طالب طب تانى من المنوفيه يكون اعلى من بتاع القاهره .... لحد متيجى جامعتك و يشوف ايه القطاع الى لسه متخدش عشان ياخد واحد .... المهم قلنا ماشى و احنا رايحين مع بعض عارفين انها بالحظ بس مبسوطين من اى حد يطلع مننا حظه بقى ده الى هيمثلنا ... المهم وصلنا جامعه القاهره تفتيش رهييييب جدا من امن البوابه ثم من قوات الحرس الجمهورى .. المهم دخلنا القبه فى جامعه القاهره استقبلنا المنظمين .... ايوه حضراتكوا جامعه ايه .... احنا قولنا المنوفيه. ... اه طيب لو سمحتوا اقعدوا مع الطلبه فى الاخر خالص فى الشمال .... قلنا ماسى مش مهم قعدنا من الساعه اربعه و الطلبه اوائل الجامعات بيجوا يقعدوا ورانا فى الاخر خااااااالص المهم بقت الوزراء و الشخصيات العامه تيجى و الاعلاميين لقيناهم واخدين تلات ارباع القاعه من قدام على الرغم من ان الحفل ده لينا احنا كاوائل جامعات حكوميه .... بعد كده جت طلبه الكليات العسكريه الذين تم تكريمهم من قبل و جلسوا فى المقاعد الاولى امام المنصه و احنا قاعدين فى اخر القاعه خاااالص و الحفل بتاعنا .... المهم قعدين عادى كل ده مش مشكله .... المفاجأه جت لما لقينا ناس خريجين لابسين اطقم الخريجين خارجين من غرفه والناس ديه مين بقى دول الى هيتم تكريمهم ...... امال احنا فين .... لا احنا حاجزين كرسى بس عشان نملا المكان طيب مين بتاع جامعه المنوفيه ..... لقينا واحده من حقوق مجموعها التراكمى 733 اتخدت و مكنتش معانا فى الاوتوبيس و عرفنا ان. تم الاتصال بيها قبلنا بكزه يوم عشان تروح لوحدها الاول بعدين احنا نيجى نسقف المهم كل جامعه تيجى تتفاجأ بالى حصل يعنى كده جامعه المنوفيه تم تمثيلها فى كليه حقوق فقط مع العلم ان فى ناس اعلى منها و كل الهلمه ديه لينا عشان نيجى كاوائل نملا فقط القاعه و يبقى فيه حضور .... اولا على اى اساس تاخد واحد فقط من الجامعه و كل كليه بتختلف فى طريقه امتحاناتها و تقديرها عن اخرى كيفيه اختيار ممثل واحد عن كل جامعه من كليه مثلا مجموعها التراكمى فى اربع سنين 1000 درجه و كليه اخرى مجموعها التراكمى 7500 درجه ... كان الرد ان فقط لا نستطيع ان نكرم كل اوائل الجامعات نظرا لظروف و اكتفينا ب اخذ ممثل عن كل جامعه بالطريقه ديه ... عشان تكرم اوائل جامعات المفروض تكرم على الاقل الاول بتاع كل كليه على الاقل حتى يتم تمثيل الكليه و تمثيل الجامعه بسبب اختلاف كل كليه بتقديرها و درجاتها عن اخرى لكن حتى التى تم اختيارها اقل من معظم اوائل الكليات فى جامعه المنوفيه ديه حاجه ... الحاجه الاخيره ان فى الحفل تم اقتصار الصوره فقط على العشرين المكرمين دون اعتبار لينا لاننا قاعدين فى الاخر لكن الطلاب العسكريه فى الاول مع انه مش حفلهم لكن تم اقتصار الحفل على كده و لو سألت اى واحد عادى هيقولك هم عشرين واحد بس لكن الباقى كماله عدد ههههههههههه..... فى النهايه الحمد لله على كل حال لا خير الا فيما اختاره الله
