اليوم يعود الجخ للحق بعد ان الخصام:
أنا إخوان أنا إخوان ........ وكلك مصر بقيتي اخوان
... ضحكوا علينا وبالوا علينا.....وجابوا العسكر داسو علينا
ورجّـعـونـا لِوَرا بإيـديـنـا........ دَحـنـا بـمـيـدانِ التـحرير
ثـوره وكانـت للتـغـيـيـر.......... طلعنا عُـبـَطا طـلعـنا حـمير
السيسي ده ماعندهْشِ ضميرْ....... ده خلع ريّـس شعبه انتخبُهْ
ودَه أمـريكا كانـت سبـَبـُه ...........عايزه برادعي يطل برُتــَبُه
بعد مـبارك وِاللي نـَهَـبُـهْ ............... رافضين مُرسي والإخوان
بواشنطن ودُبيْ كمان.................. عايزين دوله من عُميان
بتـنفـِّذ بـمـيعاد وزمـان.......... دولة تـِتـرِكْ سيـنا وغزّه
دولة ما فيها كرامه وعِزّه........... وحُـكامْـها للـمالْ ولِـلّـذّهْ
بينهم وبين صهيون مَعَـزّهْ....... أنا إخوان أنا إخوان
وكلك مصر بقيتي إخوان*........... مؤامـْرِتـكُم صارت واضـحَهْ
والكاس شربـناها مالـحَـه ........بس ورب الناس الصـالـحَـهْ
لنـقَصـقَـصْ مَخالبكو الجارحه ....... الإخوان دول يبقوا اخوانك
مش جايين يقعدوا بمكانك .......... ولا جايين ينهبوا مِن مالك
زي ما عملوا الْ مِش اخوانك ........ الإخوان بيقولوا يا رب ..........
لا شتايم مِنهم ولا سَب ....................مش زي أعلام الكِدبْ
تنبح تنبح ولا تـتـعـب .............. الإخوان إتولدوا بمصر
أجيال منهم بسر وجَهر ............. ما عاشوا بسرايا وقصر
ويامـا عانوا ذل وقـهـرْ ........... الإخوان دول فـيـنا زمان
وكِفـاحـهُـمْ معروف ومَـليان....... دولْ عرفـوا سِجنِ وسَجّان
وتعذيـب واعـدام وهَـوانْ ......... الإخوان أولاد الشعـب
مش جايين من عِند الغَرب ......... زي برادعي هُـناك مَـتـحَبْ
وجاب لعِراق مُـحـتَلْ وحَـربْ ..........أنا إخوان أنا إخوان
وكلك مصر بقيتي اخوان ........ برادعي وشبـَهُه طِلعوا مـنين؟
دول ظـهروا مِن يـوم لِاتنـينْ .........بـحـُكم مبارك كُنـتـمْ فين؟
كـنـتـُم ويـّاه مـَبـسوطـينْ ........ يـلّا يا سيسي اطلع مِن دولْ
وقول إنك بالأصـل فـلول .............وإن برادعي معاك على طول
قول إنتَ قـبلَ انـا مَـقـول ........ ضِحكوا علينا وقالوا انتخاباتْ
وصدّقـنا رجــال وســتات........ ولما انهزمـت فيهـا فـئات
ما قِبلـَتـْشِ وجـِت دبّابات .........بالذمة دي ديمقراطيه؟
ولا نادي للـحرامـيـّه؟ ....... بالذّمة دي أحزاب سياسيه؟
ولّا عـصـابـات بـلـطـجِـيه؟ .......والعَـسكر صارت هِيـّه كمان
عصابة تـْحارِبْ فِ الإخوان ...... وتنفذ أمرْ كان مخـفي وبان
مِن صهـيون والأمـْريكان ....... يا سيسي خلاص أنا إخوان
بعد ما كُنتْ واللهِ غلـطان ....... كنتِ غـشيـمْ كنتِ غلـبانْ
ضحِكتوا علينا اليوم وزمان ......يا سيسي بقولك علمـكشوف
وما تـغـلّطـنـيـش إعـمِل معروف ..... اصـبُر وفـكّـر يا مَـلـهـوف
عـيـد الأضـحى لكُـلّ خـروف ..........أنا إخوان أنا إخوان
وكُلك مصر بقيتي اخوان ......... إلإخوان عمـلوا أخـطاءْ
لكن مين فينا اللي براءْ ......علشان أخطاءهم نِستاءْ؟
لدرجـة تدمـيـر وأشـلاء .......... مصر تَسامُح مصر عطاء
يا بورسعيد ويـا سيـناء..
ليست هناك تعليقات:
إرسال تعليق