شهادة د."علياء علي" إحدى طالبات الفرقة السادسة بكلية طب عين شمس عن ما حدث بمسجد الكلية اليوم:

شهادة د."علياء علي" إحدى طالبات الفرقة السادسة بكلية طب عين شمس عن ما حدث بمسجد الكلية اليوم:

مكسوفة إني أقول الكلام ده .. بس لازم أقوله
اللي حصل في مسجد الكلية من الأمن مش هنسكت عليه أبدا إن شاء الله
لقينا الدواليب متكسرة وطلعوا الحاجات رمينها علي الأرض
كان في شنط رمضان الدادة محتويات الشنط مدلوقة علي الأرض !
الأسوأ والأبشع إنهم كتبوا شتيمة سيئة جدا علي ازاز الدولاب ..
وكمان حطوا عفوا في اللفظ "ملابس داخلية "
علي شباك المسجد !!!!

الملفت للنظر في ده كله إنهم مسرقوش حاجة رغم وجود حاجأت كتير تمنها غالي

وكأن المطلوب من ده كله إن احنا يوصلنا رسالة واحدة بس :
أمن الدولة راجع .. وبصورة أبشع بكتير من قبل الثورة
علي الاقل لما كانوا بيطلعوا المسجد قبل كده وده مسجد البنات علي فكرة
الامن كان بيطلع ويسرق حاجات الأسرة
وصادر العضم اللي كنا بنأجره للبنات ..
وكان بيقطع اللوح اللي متعلقة جوة المسجد !
بس والله مش هنسمح إنهم ينتهكوا حرمات المساجد تاني سواء في الكلية أو براها .. الموت أهون علينا
والحرب مش علي الإسلام ولا حاجة ..
ومحدش بيضرب نار علي المصلين ولا حاجة ..
ومحدش حاصر بنات جوة والمسجد وساب البلطجية يقتلوهم ولا حاجة !
حسبنا الله ونعم الوكيل بجد ..