حسبنا الله ونعم الوكيل هنوديكم المستشفى هنعملكم اختبار حمل ونفس الكلام اتقال لابى من الكلاب

حسبنا الله ونعم الوكيل
امى امبارح بليل راحت تشوف اختى اما راحت عرفت انها كانت بايته فى المستشفى لحد الصبح سألت ليه طبعا معاهم 12 جنائين فى الاوضه وبشربو الزفت اللى بيشربوه دا طول الليل والنهار البنات تعبو من الدخان وامامه اصلا عندها حساسيه فتعبت اكتر ايه بتحكى لامى بتقولها احنا امبارح لقينا امامه تعبت جدا ونفسها مش قادره تاخده بسبب الدخان فضلنا نخبط على الباب لحد ما فتحولنا اخدوها وجابوها الصبح دا كان كلام ايه بنت من المعتقلين معاها امى سالت امامه ايه اللى حصل المهم قالتلها انا فضلت فى مستشفى الهلال من بليل لحد الصبح عملولى رسم قلب وتحاليل وفحوصات وكده وبقول للظابط انا عندى حمه فضل يضحك ويقول للدكتوره اكشفى عليها اما نشوف اللى بتقوله دا صح ولا غلط الدكتور قالته دا مش بيبان غير بالتحليل وطبعا مش عرفنا غير تانى يوم يعنى لو كان حصلها حاجه ولا حد كان عرف المهم امى اطمنت عليها وجات راحت النهارده عشان تشوفها الصبح دخلت لقيتهم واقفين بره الحبس والكلبشات فى ايديهم سألت امامه فى ايه قالتلها هم قالولنا هنوديكم المستشفى هنعملكم اختبار حمل ونفس الكلام اتقال لابى من الكلاب اللى جوا القسم امى اتخضت طبعا اتصلت بأهل التلات بنات اللى معاه عشان يجو المهم فضلو واقفين مستنين اخدوهم ودوهم مستشفى الجلاء اخدوا منهم عينات دم ورجعوهم السجن تانى اختى سلمى الصغيره وهى واقفه جنب العسكرى سمعته بيقول انهم هيترحلو راحت قالت لامى امى راحت تسأل قالولها اه هيترحلوا لسجن القناطر امى دخلت تشوفهم طبعا لقيت عبير وسميه منهارين من العياط فضلت تهون عليهم وتهديهم وتثبتهم الى حد ما وراحت جابتلهم اكل وهدوم وحاجه يستغطو بيها هناك واخدوهم بعدها لسجن القناطر
طبعا هم عندهم عرض على النيابه يوم الاحد
انا مش عارفه اقول ايه لكل دا مش عارفه ازاى بنات زى كده مش عارفين اى حاجه يتقالهم هيتعملكم تحليل حمل على اى اساس مش عارفه وليه اصلا برضو مش عارفه
وقمة التخلف اما تقول انا مريضه وواحد متخلف اخره 50 % يضحك على كلامها قال يعنى فى حد عاقل بيتمنى لنفسه المرض غير الا لو كان متخلف زيهم
مش عارفه اقول ايه غير حسبنا الله ونعم الوكيل وطبعا مش فى زيارات غير بتصريح والتصريح كالعاده مش سهل واكتر حاجه وجعانى انى بقالى اسبوع مش شوفتها والله اعلم امتى هشوفها تانى
حسبنا الله ونعم الوكيل لا حول ولا قوة الا بالله
يا كلاب اقسم بالله ما هنسكت ومش هنبطل ننزل حتى لو قضت طول عمرها فى سجنكم الحقير دا هنفضل ننزل لحد اخر نقطة دم فينا
الله المنتقم وربنا يصبرك يا امى ويثبتك انتى وابى ويثبتنا كلنا على هذه المحنه
ودى صوره اختى الصغيره صورتهالهم من غير ماحد ياخد باله وهم واقفين قبل ما يترحلو
امامه وعبير وسميه وايه الابطال ربنا يفك اسرهم وينتقم ممن ظلمهم اه وعلى فكره لو ركزتو فى الصوره اختى عامله اشارة رابعه رغم وجود الكلاب

---------------------