أيوه أنا مجنونة وجناني عاجبني وبقولك سيبني أيوه انا مجنونة بجناني بحلم وبطير

أيوه أنا مجنونة 
وجناني عاجبني
وبقولك سيبني
أيوه انا مجنونة
بجناني بحلم
وبطير
بتشاقا يوماتي
بحركاتي
بجد خطير
مجنونة بنظرك
ونظرهم 
لكن جناني
مابيظلمهم
مجنونة لأني 
من الأخر 
مش عايزة 
كدب ولا تفاخر
وكلام بيطير
اسمع مني
راح أقولك 
انا مش مسؤله
عن اللي
حايحصلك
ايوه انا مجنونة
وبحياتي 
مش عايزة خداع
ولا تتعب قلبي
بأهات واوجاع
اسمع بقى
للمجنونة
وكفاية مراوغة
انا كلمة سر
مش مفهومة
ومش عايزة 
مصارعة
مجنونة لإن 
كلامي بجد
صريح
ومش عايزة حد
يدخل حياتي
بدون تصاريح
ايوه انا مجنونة
لأني بحترم نفسي
وأدبها
وطول عمري
واقفة قدامي
ودايما بحاسبها
يمكن دلوقتي 
ده جنان
بس انا
بجناني ده تمام
مش عايزة حياتي
تخدعني 
ولا عايزة يوجعني
وفي الأخر
كالعادة يبعني
أيوه أنا مجنونة 
وجناني من الدرجة 
الأولى
وبقولها وبعلو
صوتي
بجناني مشهورة
بقلمي ابتسام عوض حسن