بالفيديو.. مذيعة بالتلفزيون المصري تهاجم السيسي
08/03/2016 07:47 م
تداول نشطاء على مواقع التواصل الاجتماعي، مقطع فيديو للإعلامية عزة الحناوي، المذيعة بقناة "القاهرة" بالتليفزيون المصري تنتقد فيه عبدالفتاح السيسي، قائد الانقلاب العسكري، في برنامجها "أخبار القاهرة"، المذاع مساء الأحد الماضي، مطالبةً إياه بأن يعمل هو أولاً قبل أن يطالب الشعب المصري بالعمل، قائلة: "سيادتك مابتشتغلش الحقيقة، ومفيش ملف حليته لغاية دلوقتي من يوم ما جيت".
وتابعت قائلة: "اتعلمنا الوطنية من التعليم يعني إيه وطن يعني إيه بلد، يعني إيه انتماءنا للقوات المسلحة والجيش المصري اتعلمنا دا من خلال التعليم، دلوقتي في أطفال صغيرة طالعة مش حابة البلد من المعاناة اللي بيشوفوها، من أجهزة الدولة، بعض الناس شايفة كأن النظام رافع شعار (ضد الشعب المصري)، شعار يعني بيقوله (يا الرحيل التام يالموت الزؤام) كأن الشعب المصري محتل أشر، عندك ناس عايزة تسيب البلد، وفي ناس سابت، سواء بطرق شرعية أو غير شرعية، دي معلومات حقيقية من الناس في الشارع وفي كل مكان، وأقارب وجيران، ناس شباب عايزين ينتموا لجنسيات أخرى غير مصر، حتى إن كان فيها تنازل عن جنسيتهم المصرية وده خطر، لما ننبه ليه نبقى احنا عملاء وخونة وموجهين؟".
ورد ضيف الحلقة الكاتب الصحفي أسامة شحاتة، نائب رئيس تحرير جريدة المساء الحكومية، على المذيعة: "إحنا بنقول حاجة، بنقول إن احنا دولة في ظروف صعبة"، لتقاطعه "الحناوي": "الرئيس بس زي ما بيطالب الشعب إنه يعمل، هو يعمل أولًا السيد الرئيس"، ليعود الضيف ويقول: "هو الراجل قال إيه، قال لو أقدر أبيع نفسي عشان أجيبلكم اللي انتوا عاوزينه أنا أبيع نفسي، دي متتقالش، أنا الكلمة دي ضد إنه يقولها، ضد إن أي رئيس مصري يقول الكلمة دي تمامًا، أيًا كان مين هو الرئيس المصري".
واختتمت مذيعة التليفزيون المصري قائلة للسيسي: "ليه بتقول (يعني لما حد يوجعني يا مصريين متردوش، اشتغلوا)، عظيم، المصريين بيشتغلوا لكن معظم القيادات في الدولة ويمكن كلهم هم اللي مبيشتغلوش، وسيادتك كمان مابتشتغلش الحقيقة، مفيش ملف حليته لغاية دلوقتي من يوم ما جيت، ومن يوم ما توليت حكم مصر، وبقي على انتهاء العامين من فترة ولاية سيادتك شهور قليلة، وسيادتك وعدت الشعب المصري بعد سنتين هتشوفوا مصر في دنيا تانية، منتظرين، السنتين قربوا ينتهوا، فات منهم سنة و8 شهور".
ليست هناك تعليقات:
إرسال تعليق