تفاصيل حكاية "علام فياض" ضابط أمن الدولة الذى يتجول فى المساجد أثناء صلاة التراويح
وكل ما يهمه أن لا يكون الشاب محبًا للسمجد وللصلاة
منذ 5 ساعة
عدد القراءات: 2900
القصة التى كشفها الناشط أحمد على أكدت تلك الرواية، وقال أن الضابط ورجاله كانوا يجلسون بجوارنا فى المسجد متفرقين فى كل الاتجاهات.
علام فياض.. ضابط الكمين فى المسجد
الناشط "أحمد على" قال عبر صفحته على موقع التواصل الاجتماعى"فيس بوك" اليوم الآربعاء، "بعد ما خلصت أول أربع ركعات في التراويح، اللي بيصلي جنبي سلم عليّ وقالى رمضان كريم ويا رب أشوفك معانا فى المسجد على طول واهتم بصيامك وصلاة القيام وأهدانى إمساكيه شهر رمضان.. وفضل ينصحنى لحد ما الإمام خلص الخطبة".
وتابع: "وبدأ صلاة.. خلصنا وسلم عليى تانى وادانى 3 تمرات.. وبدأ يتكلم معايا ويسألنى انت منين؟ وبتدرس فين؟ وبتسافر إزاى؟ وليه عندك 21 سنة؟ ولسه في أولى كلية!!! وإشمعنا دخلت إعلام؟!!!".
عندما قال له الشاب أنه لا يصلى ولا يصوم قال له يا ريت كل الشباب زيك !
وأضاف: "تقريباً الدردشة قلبت لتحقيق أمن دولة ومهتم يعرف كل تفاصيل عني ورمضان اللي فات كنت فين؟ وأعتكفت ولا لأ؟ وبهتم بالقيام وممكن أفطر أيام في رمضان عادي ولا حرام؟ وهل والدك بيطلع زكاة ولا بيطنش؟ وبقى مركز جدًا هل أنا متوتر أو مرتبك في إجابتى اللى كان أغلبها نفى ولا.. كأنى زنديق لا بصلى ولا بصوم!".
مؤكداً أن: "المحادثة استمرت ربع ساعة بيكرر فيها أسئلة زي موضوع القيام والزكاة والاعتكاف بس بصيغة مختلفة.
"معرفش ولا معلومة صح عنى".. سلم على تانى وبالنص كده قالى "يا رب الشباب كلهم يكونوا شبهك".
وعلق الناشط "أحمد علي" على دعوة الضابط ساخرًا: "شبهى اللى هوا لا بيعتكف ولا بيصلى قيام.. ولو فطر شهر رمضان كله عادى مفيش مشكلة!!!!".
وتابع: "بعد ما خلصنا وقمت ألبس حذائى كان الشخص ده قام وقام معاه 6 أشخاص كانوا قاعدين يمين وشمال، متفرقين في المسجد واتحركوا مع بعض وركبوا البوكس ومشيوا!.. بعد ربع ساعة من الكلام ده عرفت إن اللي كان بيتكلم معايا اسمه "علام بيه فياض" ظابط فى الأمن الوطنى".
***
كن أول من يعلق
الموقع غير مسئول عن التعليقات المنشورة
ليست هناك تعليقات:
إرسال تعليق