حجي ساخرًا من البلاغ المُقدم ضده.. أروح فين عشان مزعلكمش

 منذ 9 يوم

 عدد القراءات: 2494

سخر الدكتور "عصام حجي" عبر حسابه الرسمي على "فيس بوك"، من البلاغ المُقدم ضده بالتحريض ضد الدولة.

حيث قال رد على البلاغ بشكل ساخر عبر الفيس بوك حيث قال: بيان تافه لكن واجب: لا أعرف ماذا يجمع بين اكتشاف المياه على المريخ والتحريض على الدولة؟؟ وإيه حكاية الاشتراك في نشطات الجماعة!!!.

وتابع: هما راحوا المريخ ولا إيه؟؟ أنا بصراحة تهت من كثرة البلاغات والخيال الخصب لمقدميها. مرة تتهم بالخيانة علشان صباع كفته ومرة علشان مياه على المريخ.

وأضاف حجي: السادة مقدمي البلاغات، تخيل حضرتك إن في فعلا إنسان وظيفته يدور على مياه على المريخ؟؟ آه أنا ده شغلي اللي بأخذ عليه مرتبي من 21 سنة ومش عميل زي ما أنت فاكر.

ودافع العالم المصري بوكالة ناسا عن نفسه قائلا: حضرتك بتضحك ومش بتصدق بس الحقيقة إن دي الوظيفة الوحيدة لإنسان ملوش وسطه في بلدنا، إنه يدور على حاجة ببلاش في حته بعيدة "مايه على المريخ".

واختتم حجي كلامه قائلا: الحمد الله دلوقتي أترقيت وبدور كمان على مياه على أقمار زحل والمشترى (والله بجد)، ونشرت البحث من سنة، لو المريخ بيزعلكم ويبهدد الأمن القومي وعليه إخوان "حسب مفهوم بلاغكم" أنا الحمد الله تبت وشغال زحل والمشترى والمذنبات دلوقتي. ولا أروح فين بس علشان مزعلكمش!! إحنا بتوع المريخ.

يُجدر الإشارة إلى أن المحامي "طارق محمود" كان قد تقدم ببلاغ للمستشار النائب العام اتهم فيه حجي بـ«التحريض على الدولة المصرية والتشارك مع جماعة الإخوان المُسلمين  لتحقيق أهداف إجرامية حسب زعمه.

وقال المحامي في بلاغه: عصام حجى الذي يتنقل حاليا ما بين أمريكا وتركيا يتعمد نشر أخبار كاذبة عن الدولة المصرية عبر صفحته الرسمية على موقع التواصل الاجتماعي تويتر بغرض الإساءة لمصر والتحريض عليها وتشويهها في الخارج.

;