من صفحة زوجة شهيد في #رابعة Yasmin m abd al-fattah ابني اتعرف على ولد أده و اتصاحبوا

Ayman Azzam - أيمن عزام

‏١١‏ ساعة · 

من صفحة
زوجة شهيد في #رابعة
Yasmin m abd al-fattah

ابني اتعرف على ولد أده و اتصاحبوا 
الولد لطيف جداً فعلاً و بقوا يتقابلوا كل يوم بيلعبوا كورة سوا
و في يوم قابلت مامته عشان اتعرف عليها
هي شخصية لطيفة جداً و قعدتها حلوة و حواراتنا كانت ممتعة فعلاً و طبعاً مفيش مجال لأي دخول في سياسة ووجع القلب ده..
لحد في يوم قالتلي و هي متأثرة جداً انا ياسين إبني قالي إن باباكوا مات ازاي...
و الولد الله يحميه بيقولها إحنا لازم نراعي مشاعرهم و ناخد بالنا من كلامنا معاهم..
فسألتها بإستغراب :قالك ايه؟
قالتلي: انه اتكلم مع ادم و موسى و حكوله ان ظابط قتل باباهم و هو بيلعب fireworks في الثورة 😃و بتقولي ده حصل بجد؟؟

فا أنا ضحكت جداً طبعاً..
قلتلها محتاجة أصحح معلومة بسيطة بس
هو إتقتل في رابعة مش في الثورة..
و هنا نزل عليها تتنيحة عجيبة جداً و ردت و هي مذهولة..
"يعني اللي ماتوا هناك دول حقيقيين مش تمثيل"؟؟
قلتلها: ما إحنا اهو قصادك..
و فضلت تسألني عن تفاصيل في يوم الفض و هي مش مستوعبة حقيقة اللي حصل..
انصدمت اكتر و أكتر من اننا بفضل الله بنحاول نتجاوز و نكمل حياة رغم كل المآسي اللي شوفتها اليوم ده..
و هي اتفزعت حرفياً لما عرفت إني يومها رجعت تاني رابعة عشان ناخد أحمد رحمة الله عليه
حسيت بوجع قلبها كإنسانة و كأم و كواحدة ست حقيقي..
لسه في ناس بتتصدم لما بيلاقونا حقيقيين
و قبلها بيلاقوا تعاملنا لطيف و ودود بطريقة إنسانية عادية غير مفتعلة

لسه في شوية خير في الناس والله ❤️

١٫١ ألف١٫١ ألف

٧٥ تعليقًا