Safwan Mohamed
أنا بكره ثورة يناير والسجن ده معمول علشان يأدب اللي زيك.. جملة قالها ظابط أمن الدولة بكل وضوح وبكل صدق لعلاء عبد الفتاح قبل ما يضربوه ويغموه ويقلعوه هدومه.
علاء عبد الفتاح مشهور، دفع وبيدفع الفاتورة، لإيمانه بالثورة وثباته على المبدأ وعدم تدجينه، فما بالكم بالشباب اللي مش مشهور وخايف يتكلم علشان مايزيدوش في جبروتهم.
صوت علاء عبد الفتاح لازم يوصل لكل الدنيا، القضية مش قضية علاء لوحده، دي قضية كل المعتقلين اللي بيتم التنكيل بيهم وتعذيبهم، وعلاء قرر إنه مايسكتش، ويفضحهم ويدخل في خصومة معاهم، وبرغم إنه عارف إنهم فاجرين في الخصومة وممكن ينكلوا بيه أكتر وأكتر، لكنه إتكلم وبيتكلم.
كتابتنا عن علاء واللي حصله والزخم والدوشة اللي المفروض نعمله ممكن جدًا يكونوا سبب في نجاة معتقل.
#
#
ليست هناك تعليقات:
إرسال تعليق