عمرو أديب : مصر هتحارب ؟ دكتور سمير غطاس : لا .. و لا ينبغى لها أن تحارب

عمرو أديب : مصر هتحارب ؟

دكتور سمير غطاس : لا .. و لا ينبغى لها أن تحارب .

دكتور سمير غطاس جاب الخلاصة , و ده اللى مقتنع به تماما و لم أعبأ بكلام البهاليل يوما و الحمد لله انه جه من واحد بحجم سمير غطاس رئيس منتدى الشرق الأوسط للدراسات الأمنية و الاستراتيجية .

السؤال كانت إجابته صادمة لعمرو أديب , يعنى ايه لا ينبغى لها أن تحارب ؟ قاله لان نتيناهو اول امبارح راح عمل اتفاق ثلاثى بين اليونان و قبرص على نقل الغاز لأوروبا و طلعوا مصر من الاتفاق , و مصر أكبر دولة تعبت و سعت للاتفاق ده . يبقى احارب ليه ؟ ممكن تكون الحرب فخ , و نهايته الكي و احنا الخسرانين .

و فى المقطع اللى نزلته قبل البوست ده , قاله استثمارات تركيا فى ليبيا فى منطقة طرابلس 6 مليار دولار فى حين استثمارات ليبيا كلها مع مصر مليار و نص جنيه مش دولار . مفارقة غريبة رغم اننا على حدودهم و عندنا 3000 عامل فى ليبيا و لنا تاريخ فى المقاولات , يبقى أنا استراتيجيتى دفاعية , الا لو حد اتعرض لمصر و ده مستحيل طبعا , فلا أردوغان صرح به و لا السيسي صرح انه هيحارب و البهاليل كالعادة مرض فى كل دولة , فرحانين بترديد كلام أهبل فى حين ان الناس اللى فاهمه و عارفة المسؤلية بتقول كلام موزون .

يبقى نرجع للقناعة القديمة . وصول الأوضاع فى ليبيا للنقطة دى أكبر غلط . و اردوغان ماشى بجدول زمنى سريع من بداية صفقة الاس 400 الدفاعية اللى أصر يعاند الأمريكان فيها رغم التهديدات . و نزول أكبر غواصة للبحر المتوسط و الاتفاق العسكرى و قاعدة قطر و قاعدة فى الصومال و اتفاقية أمنية مع أثيوبيا و طبعا كلنا عارفين ولاء غزة لتركيا . طوق كبيربعيد .

تركيا هتخسر فى ليبيا لو طول الوضع بالشكل ده و أمريكا هتعمل عقوبات و تركيا قالت هتساومها بطرد قواعد الناتو اللى هي منى عين روسيا اللى ممكن فورا تديها الاس 500 هدية كمان . و الأمريكان مش هبل يستغنوا عنها . فى الوقت نفسه بيغازل أمريكا بمعاندة نفوذ روسيا فى ليبيا .

الوضع صعب لا يتحمل التعبئة الهبلة بالحرب مع أو ضد , لا مصر صرحت انها هتحارب و لا تركيا قالت هنحارب مصر , المعركة فى ليبيا على تورته غاز و فى لاعبين كتير فى الموضوع .

الأهم فى كل ده ان مصر مش هتحارب لكنها جاهزة للحرب , بل و تتفوق على تركيا فى فكرة التحالفات . أي نعم تركيا تريد ان تثبت للعالم كله أنها لاعب إقليميى فى كل لعبة بـ 15 قاعدة عسكرية فى العالم الان لكن مصر تتفوق عليها فى التحالفات .

الأمور تدار الأن بحكمة و حذر من كل طرف . و لا تتمنوا الحرب .

و أرجع أقول كلمة سمير غطاس بحكمة

" مصر مش هتحارب و لا ينبغى لمصر أن تحارب "

منقوول

٣٩٧٣٩٧

٢١ تعليقًا

٦٠ مشاركة

أعجبني

تعليق

مشاركة

عرض 6 من العناصر الأخرى