بسم الله، الكلام دا بكتبه عشان أنا مقيم على بعد نص ساعة من ميلان وأهلي من بلقاس اللى فيها حالتين توفاهم الله، ويبدو إن وزارة الصحة وضعت أسر كتير في الحجر الصحي.

بسم الله، الكلام دا بكتبه عشان أنا مقيم على بعد نص ساعة من ميلان وأهلي من بلقاس اللى فيها حالتين توفاهم الله، ويبدو إن وزارة الصحة وضعت أسر كتير في الحجر الصحي.

اللي المفروض تعملوه مكتوب في كل حته لكن اللي عاوز أقوله حيث إننا منقوعين في القصة دي بقالنا أكتر من شهر هو إن الموضوع بإذن الله بسيط على مستوى الأفراد بمعنى إن في إجراءات معينة بتعملوها بهدوء لكن بحزم من غير تساهل، الموضوع أشبه بإنك بتنقل من شقتك مثلا فمضطر تلم في الحاجه وتنضف حاجات وتكتشف الحاجات اللى واقعه ورا الدولاب وكده، حاجات مملة جدًأ بس هي لازم تتعمل.

مش صعبة، لكن مملة ومحتاجة تركيز وشوية دقة وهتقعد مده طويلة فاعملوها بهدوء من غير توتر نهائيًا وسيبوا الباقى على ربنا.

التفريط في الاجراءات تأثيره كبير على الناس كلها، بمعنى إنه لو انت زاهد في الحياه وسايبها على ربنا والكلام دا زي الفل بس في الموضوع دا إنت انت بتنفذ الاجراءات عشان تحمي غيرك مش عشان تحمي نفسك.

تاني، الموضوع بسيط لكنه محتاج حسم في التنفيذ لا أكثر

1- اغسلوا ايديكوا كل ساعه ولا اتنين بصابون عادي مش مشكله المهم اغسلوها كويس جدًا

2- معدل الخروج من البيت مفروض يبقى مره واحده في الاسبوع مثلا عشان تجيبوا احتياجات البيت وأي حاجة تانية تتأجل تماماً (ودا يشمل أي صلاة جماعة)

3- أي حد كبير في السن أو عنده مشاكل مع الضغط أو السكر أو المناعة ميخرجش نهائي ويخلي شاب صغير هو اللي يعمله المشوار الضروري

4- إلبسوا جوانتي وانتوا خارجين واقلعوه على باب البيت، دا أهم من الماسك، تقريبًا الماسك مش مهم للدرجة أصلا وممكن يتسبب في العدوى كمان

5- تركزوا كويس جدًا إنكوا ما تلمسوش وشكوا

6- ما تتابعوش أخبار كتير، تابعوا على خفيف عشان الأرقام الكبيرة مش بتعبر عن الواقع اليومي وبتعمل انطباعات مخيفة بزيادة

7- في نقطة في غاية الأهمية وهي نقطة التدين السلبي بتاع اللي ربنا رايده هيكون وقل لن يصيبنا إلا ما كتب الله لنا وكده، الفكرة فيها إن إنت بتعمل كل اللى عليك وتاخد بالأسباب كلها الأول وبعدين برده ممكن تمرض وتموت وممكن تقعد في الحجر والنجفة تقع على دماغك وتموت فساعتها ترضى بقضاء ربنا وتقول القضاء والقدر مش تستهتر وتقول أصل ربنا والقدر والكلام دا

الإجراءات الحكومية في كل الدول محدودة في تهيئة المستشفيات والباقي كله حاجات مرتبطة باقتصاد البلد ومرتبطه بالاجراءات اللى فوق دي زي انهم يحطوا غرامة مثلا للي يخرج من بيته بدون سبب ضروري أو كده فهو مفيش أكتر من كده فعلًا

فتاني وتالت ورابع اعملوا الحاجات دي وما تعملوهاش بتوتر اعملوها بنظام ودقه وهدوء وإن شاء الله ربنا يعمل اللي فيه الخير لينا كلنا

١٠