بريطانيا الغريبة والعجيبة والمتخبطة بشكل كبير والعاجزة عن توجيه الشعب بشكل واضح في مواجهة كورونا
طيب بوريس جونسون امبارح بيقول هنتبع سياسة " مناعة القطيع " وده معناه ان الحكومة عايزة المرض ينتشر بين الناس عشان يكون مناعة والجسم يقدر يواجهه
النهاردة جونسون مش عايز الناس تختلط ببعض - ميخرجوش من البيت الا للضرورة القصوى حتى لو محتاجين اكل او شراء احتياجات خاصة
امبارح وزارة الصحة بتقول المرض هيصيب ٨٠٪ من الناس في بريطانيا وان اللي فوق ٧٠ هيتعزلوا لمدة شهور
النهاردة جونسون بيقول ان مستشاريه في مجال الصحة قالوله ان الموضوع بينتشر بشكل كبير جدا والناس لازم تشتغل من البيت وتتجنب البارات والنوادي والمطاعم والمسارح والسينمات
في وسط كووووول العك ده وفي ظل حالة الهلع البشعة في المحلات والهجوم على السلع
معالي رئيس الوزراء لم يتخذ قرار بتعليق الدراسة
ابني بيسمع معايا كلمة جونسون من شوية فبيقولي يعني كده مش هنروح المدرسة
قلتله لا هو معلقش الدراسة ، قالي ده راجل مجنون وسابني ومشى
ليست هناك تعليقات:
إرسال تعليق