محمد مرضي شاب عنده ٢٣ سنة متزوج
واب لطفل مكملش عمره شهر
يوم ٣ / ٥/ ٢٠٢٠ كان مروح علي طريق وصلة دهشور ، والموتسيكل اتعطل منه واضطر يقف علي جانب الطريق واتصل بأصحابه عبدالرحمن وحسين علشان ينجدوه
وعلي الساعه ٣٠ ،٩ بليل كان قاعد علي الموتوسيكل وبيحاول يدوره كان في شاب ١٨ سنة اسمه / محمد وليد فكري السيد ...واخد عربية جده ونزل يكسر الحظر علشان هو مسنود سايق العربية وزي ما الشهود قاله انه كان طاير علي سرعة لا تقل عن 180 كم ونازل من علي الكوبري بيلعب بالعربية اللي علشان ااستهتاره مقدرش يسيطر عليها فدخل في الموتسيكل من وراه فرمه وطير محمد من عليه ابن الباشا يقف لا فضل مكمل علشان ياخد محمد علي وش العربية يكسرله دماغه ولما يقع قدامه يكمل عليه فيقطلعه رجليه وينزله جثه الناس بتلم عظمه اللي اتفتفت علي الاسفلت
ابن الباشا كاسر حظر وبنفسه قال في المحضر انه كان ماشي علي سرعة 120 كم رغم انه السرعة المقررة من المرور علي الطريق ٨٠ كم طيب هي مش دي جرائم مرورية لكن محدش وجهله اتهامات
لا المصيبه ان ابن المستشار قتل محمد وحرق قلب امه اللي الناس رفضت توريها جثته ووشه اللي اتشوه واتمحت معالمه من الاسفلت
والنيابة مسمعتش الشهود اللي راحوا من نفسهم وقالوا لوكيل النيابة ان ابن الباشا مكنش مظبوط ولازم يتحلله لكن استلموا بطايقهم اللي كانت مدبسه في المحضر ومشوهم
علشان ابن الباشا اتخلي سبيله واستلمه جوز خالته اللي برضه مستشار وكان قاعد في المكتب واهل القتيل مرمين بره
حق محمد وابنه وأسرته في رقبة مين
نطالب السيد النائب العام بالتحقيق في الواقعة والشعب يعرف ابن المستشار متسألش ليه عن جرائم كسر الحظر وتجاوز السرعة وليه اترفض يتحلله واقوال الشهود
\\\\\
دد
ليست هناك تعليقات:
إرسال تعليق