ننفرد بنشر فضيحة "كشك" طنطاوي والبنتاجون
05/04/2016 02:00 م
كتب- أسامة حمدان:
إن الله لا يصلح عمل المفسدين، وذلك ما يتحقق كل يوم بفضيحة جديدة للانقلاب العسكري، وفضيحة اليوم تعود إلى وقت حرب الخليج الثانية وحصار العراق من قوات الاحتلال الأمريكية، والتي كان يعاونها في ذلك الوقت المخلوع مبارك، وقائد جيشه المشير حسين طنطاوي، ويسعنا ان نطلق عليها فضيحة "كشك" طنطاوي والبنتاجون.
مقاولون من الباطن!
وبما أن العسكر يلهثون خلف السبوبة أينما كانت، فقد كشف مصدر "هندسي" خاص لـ"الحرية والعدالة" شارك في تنفيذ "المركز الطبي العالمي" للقوات المسلحة، سيطرة فكر "الكفتة" على عقول جنرالات السيسي، وقال إنه في حرب الخليج 1990 وما بعدها كان المركز الطبي الأقرب لعلاج مصابي الجنود الأمريكان موجود في قاعدة للناتو في ألمانيا.
وقرر الاحتلال الأمريكي وبعد إنشاء قواعد عسكرية أمريكية في الخليج، إنشاء مركز طبي متخصص علي نفقته في القاهرة، لتقديم الخدمة الطبية لجنود الاحتلال الأمريكان الموجودين في الشرق الأوسط، خصوصا مع تكرار العمليات العسكرية، و التحفز المستمر ضد العراق وقتها و احتمالية نشوب حرب جديدة في المنطقة.
وتم الاتفاق بين الاحتلال الأمريكي مع الإدارة الهندسية للقوات المسلحة المصرية، علي التصميم، و الإدارة الهندسية بدورها أوكلت التنفيذ لمقاولين من الباطن!.
خروم العقيد فؤاد
وقال المصدر الذي فضل عدم ذكر اسمه: "كان من ضمن الشروط أنهم جابوا وحدات غرف عمليات جاهزة من أمريكا، والوحدات دي مصممة بطريقة شديد العزل، والإضاءة فيها عبارة عن دواير صغيرة قطر الواحدة منها 1سم و تكاد تكون غير مرئية، وأول ما دخل العقيد فؤاد (مسئول الاستلام في الإدارة الهندسية) غرف العمليات دي معجبوش المنظر، ولم يقتنع أن الخروم دي ممكن تكون أفضل من الكشّافات الكبيرة المتعارف عليها عندنا".
وتابع: "وأصر على أنهم يركّبوا كشافات في الغرف دي، وطبعا المقاول ما عليه غير السمع والطاعة، وبعدين جهّزوا جناح ضخم للعناية المركزة، وقدامه مدخل كبير وواسع (60 مترا × 40 مترا) وحضر افتتاحه المشير طنطاوي، وساعتها أول حاجة قالها المشير طنطاوي لسيادة العقيد فؤاد وفي حضرة كثيرين "حلو قوي المساحة دي.. هتعملوا فيها إيه بقي؟".
كشك طنطاوي!
وبحسب المصدر رد العقيد وقال: "دا مدخل بس حسب التصميم"، فرد طنطاوي عليه وقاله "لا إزاي دا.. المساحة دي يتعمل فيها كافتيريا كبيرة وكام كشك"، وفعلا اتنفذت تعليمات السيد المشير"!.
وتابع: " في أول زيارة لوفد البنتاجون، اتخانقوا مع الإدارة الهندسية، وقالوا لهم إنهم بوظوا عزل غرف العمليات، وطلبوا منهم يشيلوا الحاجات اللي في مدخل العناية المركزة لأنه ببساطة مينفعش تحط كافتيريا ومواد بقالة في مدخل العناية المركزة، وطلبوا عزل جدران قسم الأشعة بالرصاص كإجراء طبيعي بيتعمل في كل وحدات الأشعة برا".
وأوضح: "وفضلت الخناقة فترة وكل مرة تقييم وفد البنتاجون يبقي إن التنفيذ غير مقبول، لحد ما فجأة بقي وفد البتاجون يعمل تقييماته للتنفيذ ممتاز ممتاز ممتاز، والعقيد فؤاد ياخد التقييم الممتاز من دول يلف علي المهندسين اللي شغالين معاه وهوا فرحان، ويوريهم تقييم الأمريكان، ويقولهم "شايفين.. الأمريكان مقيّمين شغلنا على إنه ممتاز".
وفجر المصدر مفاجأة بالقول:"طبعا في نهاية السنة البنتاجون بعت للمشير طنطاوي رسالة بيهنيه فيها علي الصرح الطبي و بيقوله إنه إضافة عظيمة لمنشئات الجيش المصري، لكن الأمريكان هيستمروا في الإعتماد علي المركز الطبي الخاص بالناتو في ألمانيا لتقديم الخدمات الطبية لجنودهم.. مش بس كدا، دا كمان البنتاجون خصم التكلفة اللي دفعها في المركز الطبي العالمي من المعونة الأمريكية لمصر".
وتابع ساخرًا: "طبعا دا يفسر ليه واحد زي عبعاطي لسة حر طليق ولسه مرتدي الزي العسكري وبيتقّدم في وسائل الإعلام مرارا وتكرارا وبإلحاح شديد باعتباره فلتة زمانه، وليه الإصرار على إن جهاز الكفتة تحفة، وإنه جار تصنيعه علي قدم و ساق ،وهيتجّرب علي الناس، و هيطلع إنه جهاز شغّال كويس بس العيب في المرضي اللي مش عارفين يظبطوا وضعهم تحت الأشعة الفريدة اللي بتطلع منه ، رغم إن اللجنة العلمية اللي شكلها السيسي قالت إنه أصلا مفيهوش أشعة".
وختم المصدر بالقول:"إحنا مش رايحين علي كوريا الشمالية ولا حاجة.. إحنا أصلا عايشين في كوريا الشمالية بس ناقص نزهق بقي، ونقر ونعترف بالحقيقة، ونقول على أي حاجة ممتاز ممتاز ممتاز".
معلومات عن الكفتة!
وبحسب صفحة وزارة الدفاع المصرية، يقع "المركز الطبي العالمي" على مساحة إجمالية 58 فدان ويضم المركز:
المبنى الرئيسي بأجمالي مسطح 90 ألف م2 ويتكون من مبنى علاجي بمسطح 50 ألف م2 ( بدروم + ارضي +2 دور متكرر ) ويشتمل على 24 غرفة عمليات جراحية، 18 عيادة خارجية علاجية وتشخيصية ومبنى أجنحة الإقامة بمسطح 40 ألف م2 عبارة عن 3 مباني متصلة كل مبنى عبارة عن ( بدروم + ارضي +5 دور متكرر )، كل دور في كل مبنى يحتوي على 19 غرفة مزدوجة + 1 غرفة عزل + 2 جناح بإجمالي 800 سرير قابلة للزيادة حتى 1000 سرير.
مبنى علاج الأورام عبارة عن مبنى دور واحد بإجمالي مسطح 3200 م2 ويتكون من 3 أقسام رئيسية.
المباني الخدمية تتضمن مبنى سكن الأطباء ( بدروم + ارضي +5 دور متكرر ) بإجمالي مسطح 10 ألاف م2 بطاقة 100 طبيب، مبنى سكن الممرضات ( بدروم + ارضي + 5 دور متكرر ) بإجمالي مسطح 10 آلاف م2 بطاقة 300 ممرضة، مبنى معهد التمريض (بدروم + ارضي + 5 دور متكرر ) بإجمالي مسطح 10 آلاف م2 بطاقة 300 دارسة.
مباني القوى وتضم ( مبنى التكييف - مبنى الكهرباء - مبنى الغلايات).
منطقة إدارية متكاملة على مسطح 8 فدان، تشمل مبنى القيادة، مبنى إيواء الجنود ، مبنى الإطفاء، بالإضافة إلى خط إنتاج خبز ومحطة وقود ومبنى مكاتب ومبنى السجن ومسجد وورشة ومشحمة ومظلات سيارات اسعاف160 م2.، ومدة التنفيذ : "36" شهور.
للاطلاع:
ليست هناك تعليقات:
إرسال تعليق