دافع الضرائب المصري هوا إللي بيدفع وبيمول 65% من الموازنة العامة المصرية .. يعني المنح الخليجية وقناة السويس والسياحة وقطاع الأعمال ووزارة الإستثمار وتحيا مصر والسطوح إللي بيتزرع فراولة .. لا تمثل 30% من ايرادات الدولة .
الشعب هوا إللي بيدفع ويمول تمن الملابس الداخلية إللي بيلبسها سيادة الرئيس والبدلة الشيك اللميع إللي بيلبسها ومخلياه شبه الأستاذ ماجد المصري .. إحنا كمان بندفعله مرتب الحلاق اللي بيعمله فتلة في وشة .. الشعب كمان بيمول قزازة الماية الإيفيان إللي بتجيله من فرنسا ... وبنمول كمان عربيات مواكب السادة الوزراء اللي مبيركبوش أقل من " رانج روفر " .. بفلوسنا بتبنوا سجون وبتشتروا لجان إلكترونية تكتبلنا تحيا مصر في كومنتات .
يعني إحنا أصحاب البلد .. إحنا إللي بنصرف على البهوات اللي بيحكمونا بالقمع والإستبداد .. وحسب دستور أي دولة محترمة .. دافع الضرائب هو محور الوطن ؛ هو إللي لازم الحكومة ترضيه وتقيدله صوابعا العشرة شمع لجل رضاه ..
إنما الزريبة اللي إحنا فيها .. جنرال بأف بلا برنامج سرق السلطة بقوة السلاح وبيعايرنا إنه تنازل ومسك الحكم .. أخد مليارات من الخليج لم تحقق أي عائد إقتصادي .. ومشاريع خيالية بمليارات لم تحقق أي مردود استثماري .. وبيبيع أجزاء من الوطن علشان يسدد ديونه وبيقولنا مش عايز حد يتكلم في الموضوع دا تاني .
ليست هناك تعليقات:
إرسال تعليق